غرزة السلسلة من غرز الكروشيه الأساسية واللي بنبدأ بيها دايما أي شغل كروشيه وبنستخدمها في عمل سلسلة الأساس للشغل.

غرزة السلسلة
غرزة السلسلة

ما هي غرزة السلسلة؟

غرزة السلسلة هي أول خطوة في بداية أي شغل كروشيه بنشتغله وبنستخدمها في عمل سلسلة الكروشيه، وهي من غرز الكروشيه الأساسية التي يجب على أي مبتدئة في عالم الكروشيه تعلمها.

أي شغل كروشيه بيتكون من غرز كروشيه متنوعة على حسب باترون الكروشيه اللي شغالة عليه، يمكن استخدامهم معاً لتصميم الشكل المطلوب.

الموضوع سهل وبسيط، هيا بنا نبدأ في تعلم عمل غرزة السلسلة بطريقة سهلة وبسيطة.

لو مبتدئة في تعليم الكروشيه يبقى لازم يهمك تعرفي أساسيات الكروشيه للمبتدئات

طريقة عمل غرزة السلسلة

طريقة عمل غرزة السلسلة سهلة جدا، هتدخلي ابرة الكروشيه داخل عقدة البداية وبعدها تقومي بلف الخيط على الابرة وتسحبي الابرة من عقدة البداية اللي عملتيها وبكدا تكوني عملتي أول غرزة سلسلة.

طريقة عمل سلسلة الكروشيه

بعد ما اتعلمتي عمل أول غرزة سلسلة هتكملي شغلك وتشوفي الباترون اللي هتشتغلي عليه محتاج كام غرزة علشان تكوني أول سلسلة كروشيه في شغلك.

تقدري تتحكمي في فتحة الغرزة عن طريق رفع ابرة الكروشيه لأعلى وهيا داخل الحلقة أو العقدة وبكدا بتوسعي الغرزة، أما لو عايزه تضيقيها تقدري تعملي دا عن طريق إنك تشدي طرف الخيط.

نصائح في عمل سلسلة الأساس

  • عقدة البداية لا تحسب غرزة، لذلك تأكدي من العد لصحيح لعدد الغرز الموجودة في الباترون اللي شغالة عليه.
  • الممارسة ثم الممارسة علشان تقدري تعملي غرز السلسلة بطريقة سهلة بحيث لا تكون ضيقة جدا.

وفي الدروس القادمة هتعرفي طريقة عمل غرزة الحشو وكمان غرزة العمود بلفة واحدة وبلفتين وثلاث لفات ودروس تانيه كتير للمبتدئين.

أتمنى إني أكون قدرت أفيدك وأقدم المعلومة بطريقة صحيحة، لو عجبك المقال اعملي لايك وشير لأصدقائك.

ولو فيه استفسارات أو حاجة مش واضحة ممكن تتركي رد باستفسارك في صندوق التعليقات بالأسفل وهرد عليكي إن شاء الله.

التصنيفات: غرز كروشيه

كروشيه روان

كروشيه روان موقع يهتم بكل ما يخص فن الكروشيه من دروس تعليم الكروشيه للمبتدئات وشرح طريقة عمل الكروشيه وشرح غرز الكروشيه وتوفير باترونات كروشيه.

0 تعليق

كتابة تعليق