غرزة النصف عمود من غرز الكروشيه السهلة والبسيطة اللي يهمك تعرفيها لو مبتدئة في تعلم الكروشيه.

غرزة النصف عمود
غرزة النصف عمود

طريقة غرزة نصف العمود

غرزة النصف عمود هتبدأي فيها بعمل عقدة البداية زي ما عرفنا في درس أساسيات الكروشيه وبعد ما تخلصي عمل عقدة البداية هتدخلي ابرة الكروشيه داخل عقدة البداية.

ارتفاع الغرزة النصف العمود 2 سلسلة على عكس ارتفاع غرزة الحشو 1 سلسلة فقط، هشتغل في الفيديو 10 سلاسل فقط علشان تكون سهلة وبسيطة.

رمز الغرزة في الباترون

تسمى الغرزة النصف عمود باللغة الانجليزية Half Double Crochet وتختصر بـ (HDC)، ويرمز لها في باترونات الكروشيه بحرف (T).

عمل غزرة النصف عمود

تقومي بلف الخيط مرتين على الابرة وبعد كدا هتدخلي في السلسلة الـ 3 وبعدها تقومي بلف الخيط على الابرة وتطلعيه من نفس السلسلة وبالتالي كدا بقى معاكي 3 لفات على الابرة.

تقومي بلف الخيط على الابرة وبعدها تسحبي الابرة من ال 3 لفات مرة واحدة، وكدا تكوني اتعلمتي عمل أول غرزة نصف عمود.

وإن شاء الله في الفيديوهات اللي جاية هتتعلمي طريقة عمل غرزة العمود بلفة واحدة ولفتين وثلاث لفات وكمان غرز كروشيه تانية كتيرة  زي غرزة المنزلقة وغيرها وهيبقى فيه باترون كروشيه بسيط نطبق عليهم اللي تم شرحه في الدروس السابقة.

أتمنى إني أكون قدرت أفيدك وأقدم المعلومة بطريقة صحيحة، لو عجبك المقال اعملي لايك وشير لأصدقائك.

ولو فيه استفسارات أو حاجة مش واضحة ممكن تتركي رد باستفسارك في صندوق التعليقات بالأسفل وهرد عليكي إن شاء الله.

التصنيفات: غرز كروشيه

كروشيه روان

كروشيه روان موقع يهتم بكل ما يخص فن الكروشيه من دروس تعليم الكروشيه للمبتدئات وشرح طريقة عمل الكروشيه وشرح غرز الكروشيه وتوفير باترونات كروشيه.

0 تعليق

كتابة تعليق