أساسيات الكروشيه للمبتدئات أول درس من دروس تعليم الكروشيه هتعرفي مقاسات ابر الكروشيه ونوع الخيط وطريقة عمل عقدة البداية.

أساسيات الكروشيه
أساسيات الكروشيه

أساسيات الكروشيه – أنواع خيوط الكروشيه

أساسيات الكروشيه – فيه مجموعة كتيرة من الخيوط اللي تقدري تستخدميها في شغل الكروشيه تتنوع ما بين قطن وصوف وكتان على حسب الشغل اللي هتستخدمي فيه الخيط.

الخيط بيتباع على شكل شلة أو جدائل أو بكرات وشلة الخيط بيكون موضح عليها مقاسات ابرة الكروشيه المقترح استخدامها من الشركة المصنعة للخيط وكمان بيبقى موضح عليها وزنها وطولها.

شلة الخيط
وزن شلة الخيط

أساسيات الكروشيه – ابرة الكروشيه

يفضل بالنسبة للمبتدئات في تعلم الكروشيه إنهم يستعملوا ابرة كروشيه كبيرة وخيط سميك في البداية علشان دا هيسهل عليكي تعلم غرز الكروشيه.

بعد ما عرفتي نوع الخيط اللي هتستخدميه ومقاس الابرة هتتعلمي ازاي تمسكي ابرة الكروشيه بطريقة صحيحة وازاي تمسكي الخيط كويس وانتي بتشتغلي.

طريقة عمل عقدة البداية

توجد طريقتين لعمل عقدة البداية:

  1. أول طريقة إنك تمسكي ابرة الكروشيه بايدك اليمين والخيط بإيدك الشمال وبعد كدا تقومي بلف الخيط لفتين على اصبع السبابة.
    بعد كدا تقومي بنقل اللفة الثانية أمام اللفة الأولى.
    وبعدها طلعي اللفة الأولى من اصبع السبابة وقومي بشد طرفي الخيط وهتتكون معاكي عقدة البداية.
  2. والطريقة الثانية هتلاقيها في الفيديو أسفل الموضوع وفيه كل اللي اتكلمنا عنه في درس النهاردة.

ملاحظة هامة جداً: عقدة البداية لا تحسب غرزة كروشيه ولا تحسب سلسلة.

ماذا بعد معرفة أساسيات الكروشيه؟

بعد ما عرفتي الأساسيات ابدأي في تعلم غرز الكروشيه وأول غرزة هي غرزة السلسلة وهي أساس أي شغل كروشيه هتعمليه بعد كدا.

وبعد كدا هتتعلمي طريقة عمل غرزة الحشو وبعدها غرزة النصف عمود وبعدها غرزة العمود بلفة واحدة وبلفتين وبثلاث لفات.

أتمنى إني أكون قدرت أفيدك وأقدم المعلومة بطريقة صحيحة، لو عجبك المقال اعملي لايك وشير لأصدقائك.

ولو فيه استفسارات أو حاجة مش واضحة ممكن تتركي رد باستفسارك في صندوق التعليقات بالأسفل وهرد عليكي إن شاء الله.


كروشيه روان

كروشيه روان موقع يهتم بكل ما يخص فن الكروشيه من دروس تعليم الكروشيه للمبتدئات وشرح طريقة عمل الكروشيه وشرح غرز الكروشيه وتوفير باترونات كروشيه.

0 تعليق

كتابة تعليق