الدائرة السحرية درس بسيط هتعرفي فيه طريقة عمل الدائرة السحرية كروشيه بالفيديو والصور وهتعرفي الفرق بينها والحلقة العادية ورمزها في باترونات الكروشيه.

الدائرة السحرية كروشيه
الدائرة السحرية كروشيه

بداية الحلقة السحرية

طريقة عمل الدائرة السحرية كروشيه بتبدأي تلفي الخيط لفتين على صباعك  زي ما في الصورة كدا.

وبعد كدا تطلعي اللفة الثانية فوق اللفة الأولى زي ما في الصورة وقبل ما تطلعيها من صباعك هتدخلي ابرة الكروشيه أسفل اللفة الأولى وبعد كدا تسحبي صباعك من الدائرة وبكدا تكوني عملتي الدائرة السحرية بكل سهولة.

الفرق بين الحلقة السحرية والحلقة العادية

في الدائرة السحرية مبنبدأش بعدد من السلاسل أما في الدائرة العادية بنبدأ عدد من السلاسل ونقفلها وممكن نعملها بداية مفرش كروشيه أو شغل كروشيه تاني.

لكن في الدائرة السحرية أحيانا بيبقى فيه باترونات كروشيه فيها دائرة ملهاش عدد ولا ليها رمز غرزة السلسلة ولا أي حاجة خالص وبتبقى فاضية من جوه فوقتها تعرفي إنها الدائرة السحرية أو الحلقة السحرية.

طريقة عمل الدائرة السحرية

بعد كدا هشتغل 8 أعمدة وزي ما وضحت قبل كدا في طريقة عمل غرزة العمود إن ارتفاع غرزة العمود 3 سلاسل ارتفاع.

بعد ما خلصت الأعمدة هقفل الدائرة زي ما عرفتي قبل كدا بعمل غرزة المنزلقة عن طريق إني أدخل إبرة الكروشيه في السلسلة رقم 3 في الارتفاع.

هسحب الخيط على الإبرة وأخرج من السلسلة هيبقى معايا لفتين على الإبرة بعد كدا هطلع اللفة الثانية من اللفة الأولى وبكدا قفلنا أول حلقة سحرية.

فيه باترونات كروشيه كتيرة بنبقى مش عارفين بداية عدد السلاسل كام فممكن نشتغل الدائرة السحرية وبعد كدا ندخل جواها بالأعمدة الموجودة في الباترون بعددها.

عمل دائرة سحرية كروشيه بالفيديو

أتمنى أكون قدرت أفيدك ولو عجبك الموضوع شاركيه مع أصدقائك.

وانتظرونا في الدرس القادم مع باترون كروشيه للمبتدئين هنطبق فيه كل غرز الكروشيه اللي عرفتيها في الدروس اللي فاتت.

ولو عندك أي استفسار تقدري تكتبي في صندوق التعليقات أسفل الموضوع أو الفيديو ويسعدني جداً إني أرد على استفساراتكم.

ولمعرفة جديد شغل كروشيه روان تابعوا متجرنا وصفحة كروشيه روان على الفيس بوك.


كروشيه روان

كروشيه روان موقع يهتم بكل ما يخص فن الكروشيه من دروس تعليم الكروشيه للمبتدئات وشرح طريقة عمل الكروشيه وشرح غرز الكروشيه وتوفير باترونات كروشيه.

0 تعليق

كتابة تعليق